Arkadiusz Jan Grzelak fyrirliði Leiknis lék sinn 200-asta meistaraflokksleik fyrir Leikni í gær í sigri gegn Kára.
Arek er leikjahæsti leikmaður félagsins frá upphafi þó stutt sé í þann næsta. Svona lítur taflan yfir þá leikjahæstu út, birt með fyrirvara. Áreiðanlegar heimildir skortir um hversu marga leiki Jón Þorgils Hauksson á fyrir félagið enda var hans ferill í blóma fyrir tölvuöld.
En hann gæti hæglega verið þriðji á eftir syni sínum. En allar ábendingar um leiðréttingar á listanum eru vel þegnar.
Arek Jan ........................ 200 leikir
Almar Daði ................... 199 leikir
Vilberg Marinó .......... 179 leikir
Óðinn Ómarss ........... 172 leikir
Björgvin Stefán ........ 172 leikir
Jón Hauksson ......... 170+ leikir
Hilmar Freyr ................ 163 leikir
Guðmundur Arnar .. 146 leikir
Arek hefur spilað allan sinn feril með Leikni og verið fyrirliði síðustu 3 árin.
Hann er ekki nema 27 ára þannig að það ætti ekkert að vera því til fyrirstöðu að hann tvöfaldi þennan leikjafjölda.
Fyrir leikinn í gær fékk Arek blómvönd og gjafabréf; út að borða fyrir 2 á Kaffi Sumarlínu.
Og eftir leik fékk hann köku, skreytta af tilefninu.
