• marteinnmars6

Sumarfrístund og Íþróttaskóli

Updated: Jun 3

Leiknir í samstarfi við Fjarðabyggð bíður upp á Sumarfrístund á Fáskrúðsfirði sumarið 2022. Um verkefni er að ræða í samstarfi fjölskyldusviðs sveitarfélagsins og knattspyrnudeildar Leiknis og tengist það íþróttaskóla Leiknis sem rekinn hefur verið af deildinni á hverju sumri amk síðan 1999.

Skólaselið í Grunnskólanum verður mætingarstaður sumarfrístundarinnar en þar koma börnin saman á morgnana en dvölinni líkur við Leiknishúsið á Búðagrund í hádeginu, nema annað verði sérstaklega auglýst.


Starfið í sumarfrístundinni byggist á útivist, hreyfingu, leikjum og fjöri. Sumarfrístundin er fyrir börn sem voru að ljúka 1. – 4. bekk skólaárið 2021-2022 og er opin öllum börnum með búsetu í Fjarðabyggð.


Við viljum vekja athygli á því að Sumarfrístundin er ætluð öllum börnum einnig börnum með sérþarfir en mikilvægt er að stuðningsþarfir komi skýrt fram í skráningu.


Við ætlumst til þess að börnin komi vel nærð í sumarfrístundina en mikilvægt er að koma með hollt nesti (t.d. vatn/safa, brauð og/eða ávöxt) en nestistími verður um klukkan 9:30 alla daga.


Sumarfrístundin verður opin frá kl. 07:45 til 12:15 frá og með þriðjudeginum 7. júní til föstudagsins 15. júlí. Samtals í 23 daga en lokað verður í sumarfrístundinni 17. júní. Umsjónarmaður Sumarfrístundarinnar verður Marteinn Már Sverrissson.


Verð fyrir hvern dag er 1.200 kr. og samtals fyrir fimm vikur 27000 kr. Hægt verður að kaupa stakar vikur, en ekki staka daga. Skráningu lýkur 28. maí næstkomandi. Mikilvægt er að skráning verði sem nákvæmust en rukkað verður skv. skráningu.


Íþróttaskóli Leiknis verður áfram rekinn samhliða Sumarfrístundinni og verður með sama sniði og undanfarin ár. Sú breyting verður þó að Marteinn Már Sverrisson hefur tekið við starfi sem skólastjóri.


Íþróttaskólinn verður virka daga kl 10-12. Hann hefst 7. júní og stendur til 12. ágúst, en frí verður 28. júlí til og með 3. ágúst. Mæting við Leiknishúsið.




Íþróttaskólinn er fyrir börn fædd 2016-2012, sem sagt yngstu 4 bekkirnir frá þessu skólaári og árgangurinn sem hefur skólagöngu í haust. Þá gerum við ráð fyrir að 2017 áranginum verði boðið að vera með í eina eða tvær vikur í sumar.


Stakur dagur: 800 kr, vikan 3.000 kr og sumarið 24.000 kr – Athugið að þeir sem greiða í Sumarfrístundina greiða ekkert aukalega fyrir Íþróttaskólann þann tíma. Allt sumarið Frístund+Íþróttaskóli 40.000 kr


Skráning í sumarfrístundina og íþróttaskólann á marteinnmars@gmail.com

Þar verður eftirfarandi að koma fram:

Fullt nafn barns og fæðingarár:

Sérþarfir ef einhverjar:

Fullt nafn foreldris/foreldra:

Kennitala foreldris/greiðanda:

Sími og netfang foreldris:

Í hvað er skráð nákvæmlega:

- Sumarfrístund allan tímann/hluta tímans - þá hvaða tíma,

- og/eða Íþróttskólann allan tímann/hluta tímans

Ef þið hafið frekari spurningar endilega hafið samband við magnus@lvf.is eða hringið í 894 7199


191 views0 comments

Recent Posts

See All

Í sumar býður ÚÍA upp á frjálsíþróttaæfingar á Fáskrúðsfirði líkt og síðastliðin ár. Hingað kemur þjálfari á þeirra vegum einu sinni í viku. Þjálfari er Halldór Bjarki Guðmundsson en hann var einnig í