Þau tíðindi eru helst á leikmannamarkaðinum þessa helgina að sóknarmaðurinn Stefán Ómar Magnússon skrifaði undir samning við Leikni í dag. Allir austfirskir knattspyrnuáhugamenn kannast við Stefán, en hann er 19 ára Seyðfirðingur sem verið hefur á mála hjá ÍA undanfarin tvö ár. Stefán á þrátt fyrir ungan aldur 68 leiki í meistaraflokki og 14 mörk. Við bindum miklar vonir við komu Stefáns og bjóðum hann hjartanlega velkominn. Hann verður örugglega jafn góður samherji og hann var óþolandi mótherji.
Commentaires