Stjórn knattspyrnudeildarinnar lét loks verða af því að veita viðurkenningar fyrir framgöngu á knattspyrnuvellinum á Covid-árinu 2020, en ekkert Sólarkaffi var haldið á vegum félagsins í ár.
Ólafur Bernharð Hallgrímsson var kjörinn efnilegastur og fékk Valþórsbikarinn til varðveislu í tæpt ár. Óli stóð sig frábærlega með einhverju sterksta 3ja flokks liði sem teflt hefur verið fram á Austurlandi og steig einnig sín fyrstu spor með meistaraflokki en hann kom við sögu í 5 leikjum í Lengjudeildinni.
Arek Jan Grzelak fyrirliði meistaraflokks var kjörinn knattspyrnumaður ársins. Arek var traustur í miðverðinum síðasta sumar eins og jafnan og skoraði að auki 5 mörk í Lengjudeildinni.
