top of page
  • gudbjorgros

Fjarðaálsmót haldið í Stafdal í dag.

SKÍS (Skíðafélagið í Stafdal) hélt Fjarðaálsmót 15 ára og yngri í Stafdal í dag í blíðskapar veðri. Færið var nokkuð erfitt en lítil snjóhula var ofan á harðfenni sem var fljót að skrapast ofan af og svellbunkinn kom upp úr. Þrátt fyrir þetta stóðu allir keppendur sig vel og nutu dagsins í fjallinu. 41 keppandi var skráður til leiks frá Skíðafélagi Fjarðabyggðar.


Í flokkum 7 ára og yngri og 8-9 ára áttum við nokkra keppendur frá Fáskrúðsfirði sem allir stóðu sig vel og fengu verðlaun fyrir þátttöku að móti loknu. Þau eru: Sævar Berg Sverrisson, Valborg Rós Guðlaugsdóttir, Íris Elma Gunnarsdóttir, Emil Eide Bjarnason, Hafþór Helgi Gunnarsson, Jóna Dís Arnarsdóttir og María Ljósbjörg Guðlaugsdóttir. Því miður helltis Snædís Birta Guðmundsdóttir úr lestinni í upphitun en kemur sterk inn næst.


Í eldri flokkum áttum við Fáskrúðsfirðingar einnig nokkra keppendur en þeir eru: Vigdís Huld Vilbergsdóttir, Sólný Petra Þorradóttir, Inga Guðjónsdóttir og Jason Eide Bjarnason. Þau stóðu sig öll vel. Vigdís Huld varð í 2. sæti í svigi í flokki stúlkna 12-13 ára og Jason Eide varð í 2. sæti í bæði svigi og stórsvigi í flokki drengja 10-11 ára.


Takk fyrir flottan dag og til hamingju með árangurinn öll sem eitt.


Hér að neðan fylgja myndir af mótinu og úrslit mótsins.



Verðlaunahafar í svigi stúlkna 12-13 ára. Frá vinstri: 3. sæti - Nanna María Ragnarsdóttir, 2. sæti - Vigdís Huld Vilbergsdóttir, 1. sæti - Katrín María Jónsdóttir.



Verðlaunahafar í svigi drengja 10-11 ára. Frá vinstri: 3. sæti - Garðar Páll Pálsson, 2. sæti - Jason Eide Bjarnason, 1. sæti - Vésteinn Dagbjartsson.



Verðlaunahafar í stórsvigi drengja 10-11 ára. Frá vinstri: 2. sæti - Jason Eide Bjarnason, 1. sæti - Vésteinn Dagbjartsson. Verðlaunahafa í 3. sæti vantar á mynd en í 3. sæti var Huginn Breki Sigurjónsson.



Þátttakendur í flokki 8-9 ára með sín þátttökuverðlaun að móti loknu.



Þátttakendur í flokki 7 ára og yngri með sín þátttökuverðlaun að móti loknu.













72 views0 comments

Recent Posts

See All

Mót hjá skíða- og brettakrökkum um helgina.

Um helgina fer fram bikarmót 12-15 ára í alpagreinum í Bláfjöllum. 16 krakkar frá Skíðafélagi Fjarðabyggðar (SFF) og Skíðafélaginu í Stafdal keppa þar saman undir merkjum ÚÍA. 14 af þessum krökkum æfa

Comments


bottom of page